unknown to Bertelot

Français 3822

f132r

Les affaires de Monseigneur sont de telle qualité qu'on ne les peut conduire sur des desseigns et resolutions certaines, d'autant qu'elles dependent de plus puissans que nous, et fault necessairement que nous nous accommodions au temps et aux occurrences, et de là vient que quelques fois vous voyez dans mes lettres de l'inconstance. Lors que j'escrivois à Monseigneur ce que me mandez luy avoir esté agreable, je croyois qu'il fust bien resolu de venir, me ressouvenant de ce que Monsieur de la Grange m'en avoit dit. Et là dessus nous avions donné ordre aux choses plus pressantes et necessaires pour le recevoir, non sans despense dont je me fusse bien passé. Du depuis Monsieur Dalmogne ? arrivant icy et autres venans de deça qui ont veu Monseigneur, m'ont tous dit tout le contraire, asseurans qu'il ne viendroit point, mais que il repasseroit en Piemont, estant facile à juger qu'il luy manqueroit le cœur du tout pour ? et qu'à ceste cause on ne devoit pas hazarder ?.

Vous pourrez savoir de Monsieur de la Chaise ? et sur ce fondement il fut ? comme nous en avions faict dessein ? J'ay escrit qu'il faudroit ? car autrement ce seroit un conseil absurd et mal assez resolu ?. Or je ne croy point que cela se puisse faire facilement qu'à nos despens, car il fault que nous tenions pour constant

f132v

qu'elle sçait tout ce qui s'est faict et dit depuis le depart de Piemont. Et n'y a moyen que Monseigneur s'en puisse excuser qu'en le desavouant et le rejettant sur R? Mais il faict tout le contraire à ce qu'il m'a dit, publiant et voulant que S.A. sache que tout vient de luy. Cela neantmoins est incompatible avec ses desirs et directement contraire à l'asseurance que nous recherchons, car autant de fois qu'il dit que tout vient de luy, il renouvelle les offenses qui sont ?, que tandis qu'il croira que S.A. en a le cœur blessé, je ne luy puis conseiller de la voir. C'est donc par là qu'il faut commencer, et qu'il ne m'espargne pas, s'il luy plaist, en ce qu'il jugera qu'en m'accusant il se descharge, car toutes les fois qu'il sera besoing je ne puis faire mal, et lors qu'il sera gendre de S.A. il aura bien peu de faveur s'il ne peut faire ma paix.

? il luy manda ? derniere qu'il fist bonne chere du Manelly. Je ne sçavois pas ce qu'il avoit escrit de Laqueux à Lyon sur certain ? en suitte de ceste lettre. Ce qu'il a faict est tresbon, mais il n'en faut plus demeurer là ce me semble. Il faut faire diligence de lever les deux mil hommes et que S.A. sache que vos autres n'auroient pas eu de Monseigneur la responce qu'il a faicte au Manelly, qui ne manquera de l'envoyer au sieur ? et elle n'aura pas subject de le ? quand elle verra en effect ? d'ample subject de luy escrire à mauvaise ? luy venir à vous faire que Monseigneur ne se precipite point en ceste ?. Il faut avoir la fin de ce que l'on commence, autrement les uns gastent les autres.

f133r

Il n'y a point de doubte que S.A. ne se sente griefvement offensé du refus faict de la levée des deux mil hommes sans congé, ce qui n'est maintenant à propos. Regardez de reparer cela, vous excusant sur la personne du Manelly, et asseurez-vous que quelque deffiance qu'il y ait pour les autres, S.A. sera servie à temps et au besoing; que Monseigneur s'asseure que leurs Majestez ne trouveront pas mauvais qu'il assiste le chef de sa maison en semblables occasions. Ce faict icy est de tres grande importance et merite bien que Monseigneur en prenne l'avis de Monsieur le mareschal de Lesdiguieres, le priant mesme d'ayder à faire trouver bon qu'il ait ainsi traicté avec ledit Manelly. Les opinions sont fort changées en ceste court pour S.A. Chascun parle ouvertement en sa faveur, et si nous parlions maintenant du retour de Monseigneur, on y feroit des risées. La Royne Marguerite nous vient mal à tous, et mesme avec les Gascons, parce que luy a dit que tous ensemble nous luy donnions ce conseil. S'il y a guerre, vous verrez passer les deux tiers de tout ce monde en Piemont. C'est pourquoy durant ceste furie il se fault bien garder de descouvrir ny donner subject à S.A. de dire qu'on l'ait abandonné, car c'est nous tenir à point d'honneur.

f134r

et tout passe en confusion. ? Et ne faut pas se laisser emporter, car ce que l'on faict puis apres ne sont qu'emplastres que les sages ne reçoivent pas. Il faut voir le succes de l'entremise de Monsieur le mareschal de Lesdiguieres ?. Je ne vous puis asseurer que tant que la crainte durera de la guerre en Piemont, il n'y en a un seul qui voulust luy conseiller ?. Donc Monsieur il est seulement que nous soyons bien advertis de ce que vous ferez de jour à autre afin que puissions ayder ? duquel ?.

Duquel à ceste cause je conçois quelque espoir. J'ay receu un paquet du 28 du passé et donné les lettres à Monsieur Dalmogne ? qui ne juge pas à propos de faire aucun motif que nous n'ayons avis de Monseigneur ?. Il est vray que nous sommes aujourd'huy en un terme qu'il ne se parle plus de si grandes rigueurs contre ceux qui voudront passer les monts et moins contre ceux qui

f134v

voudroient passer avec Monseigneur Je crains que les avis de ? ne soient pas si bons comme il estime, tant pour ce qui le touche que pour le general. S'il est passé en Piedmont, faictes le nous savoir au plustost, cela importe. On luy a faict de deça tous les bons offices qu'il eust peu desirer, la court ? Monsieur le mareschal de Lesdiguieres ? Monsieur de la Chaise en peut avoir dit quelque ? S.A., pour le service duquel l'on faict souvent de semblables coups sans bruit. Je ne puis contredire le dessein de Monseigneur de faire tout ce qu'il pourra pour faire venir ? S.A. ?, mais je ne puis consentir au reste, car les affaires sont d'une sorte qu'il ne luy en pourra arriver que tout malheur. Il ne doit penser à chose semblable que sur de bons et asseurez fondemens. Je vous prie que ceste lettre vous soit communiquée avec Monsieur de la Grange, et s'il est bien vous la pourrez communiquer à Monseigneur. Nous sommes en fin sortis de l'affaire de Monsr de Livry, moyennant cinq cens livres que nous donnons à celuy qui est obligé de le contenter et nous rendre nos expeditions. Je ne laisse pourtant de regretter ? et avec cela nous perdons d'ailleurs cinq cens escus que nous aurions mieux employez en autre office qu'en cestuy-là. Durant nos disputes ? ne servira qu'à un seul creancier au lieu que j'en pouvois contenter quatre ou cinq et gaigner avec eux. Encore ne sçay-je comme nous en sortirons, qui me faict de nouveau deliberer de ne plus mettre la main à semblables choses. Je vous asseure que ceste saisie, dont semblable n'avoit encor esté faicte, ouvre la porte à d'autres que je ne sçay comme nous pourrions nous en sauver.